Ararat Mirzoyan COP29-da iştirak etmək üçün dəvət alıb
Ermənistanın xarici işlər naziri Ararat Mirzoyan Bakıda keçiriləcək BMT-nin İqlim Konfransında (COP29) iştirak etmək üçün dəvət alıb.
Bunu Ermənistan Xarici İşlər Nazirliyi rəhbərinin müavini Paruyr Ovannisyan deyib.
“Bu məsələ həm sülhün bərqərar olması, humanitar məsələlərin həlli, həm də tədbirin gündəliyi ilə bağlı bir neçə aspektdə müzakirə olunur. Bilirsiniz ki, bu, iqlim dəyişikliyinə həsr olunmuş ən mötəbər beynəlxalq tədbirdir. Bütün şərtləri nəzərə alaraq, yaxın vaxtlarda Ermənistanın tədbirdə hansı səviyyədə təmsil olunacağına qərar verəcəyik”, – deyə o qeyd edib.
Mirzoyanın COP29-da iştirakının mümkün olub-olmaması ilə bağlı suala Ovannisyan “heç bir variant istisna edilmir” cavabını verib.
O əlavə edib ki, hər şey yaxın həftələrdə baş verəcək hadisələrdən asılıdır.
#Ermənistan teqi istifadə olunub
- Erməni politoloqdan iddia: Rusiya keçiriləcək seçkilərə 100 milyon dollar ayırdı - AKTUAL GÜNDƏM
- “Paşinyanı qorumaq üçün Ermənistana xüsusi qrup göndərilir” | Kaya Kallas
- Paşinyan indi də bu videosu ilə gündəm oldu - Baku TV
- Prezidentin köməkçisi XIII Qlobal Bakı Forumunda çıxış edib
- “Bu siyasi razılaşma düzgün istiqamətdə atılmış addımdır” | Şarl Mişel
