ASALA-dan mesaj: Bu başlanğıcdır

İrəvandakı sinaqoqa qarşı vandalizm aktına görə məsuliyyəti ASALA adı ilə bilinən "Ermənistanın Azadlığı üçün Gizli Erməni Ordusu" terror təşkilatı öz üzərinə götürüb.

Terrorçular sinaqoqun divarlarına rəngli maye tökdüklərini və şüşələri sındırdıqlarını etiraf ediblər. Terror təşkilatının bununla bağlı yaydığı məlumatda sözügedən hücum "İrəvandakı ümumdünya yəhudi mərkəzinə qarşı uğurlu qorxutma əməliyyatı" adlandırılıb.

Qeyd edilib ki, yəhudilər Ermənistan dövlətinin və erməni xalqının qəddar düşmənidir: “Bu, xəbərdarlıqdır. Oktyabrın 3-dəki uğurlu əməliyyatımız hələ başlanğıcdır. Bu, ciddi öhdəliklərimizin sadəcə bəyanıdır. Hər bir ravvin bizim diqqət mərkəzimizdə olacaq”.

Məlumatda o da bildirilib ki, İsrail hökuməti Azərbaycanı dəstəkləməyə davam etdiyi təqdirdə ASALA Avropa, Amerika Birləşmiş Ştatları, Kanada və Gürcüstandakı yəhudilərə qarşı müharibə aparacaq.

"Onlar bu ölkələrə gedəndə özlərini təhlükəsizlikdə hiss etməyəcəklər", – deyə məlumatda vurğulanıb.