Ermənistan 44 günlük müharibədən bəri buna hazırlaşır! - "Caliber.Az"dan qalmaqallı xəbər
"2020-ci ilin 44 günlük müharibəsində sarsıdıcı məğlubiyyətdən sonra Ermənistan cəmiyyətinin dərin hərbiləşdirilməsi konsepsiyası sürətləndirilmiş tempdə həyata keçirilir, klassik milli müdafiə modelindən "millət-ordu" hibrid doktrinasına keçid edilir".
Bu barədə "Caliber"in "YouTube" kanalında yayımlanan yeni süjetdə bildirilir.
Qeyd olunur ki, bu təşəbbüs əvvəlki hakimiyyət dövründə, xüsusilə də Serj Sarkisyan dönəminin müdafiə naziri Viqen Sarkisyan tərəfindən irəli sürülsə də, hazırkı müdafiə naziri Suren Papikyanın dövründə həyata keçirilməyə başlayıb. Burada xüsusi önəm VOMA və Azatazen kimi yarımhərbi qurumların fəaliyyətinə verilir ki, onlar erməni cəmiyyətinin "vətənpərvərlik" və "milli dirçəliş" şüarları altında səfərbərliyinə yardımçı olur.
Bildirilir ki, Ermənistanda Azərbaycana qarşı terror aktlarının həyata keçirilməsi üçün intensiv hazırlıq gedir.
"VOMA, daşnaklar, ASALA ölkəmizə qarşı terror müharibəsi üçün "müvafiq ixtisaslı mütəxəssislər" hazırlayır. Ermənistan ərazisində digər terror qruplaşmaları da formalaşdırılır ki, onların da əksəriyyətinə Paşinyan hökuməti tərəfindən faktiki olaraq nəzarət edilmir. Bu qruplara hətta yetkinlik yaşına çatmayanlar da cəlb edilir. Əslində Ermənistan gözümüzün qarşısında ikinci Livana çevrilir", ‒ deyə "Caliber"in hazırladığı süjetdə qeyd edilib.
#Ermənistan teqi istifadə olunub
- Azərbaycan vasitəsilə Rusiyadan Ermənistana nələr yollanıldı? - Baku TV
- Ermənistanın son etdikləri Rusiyanı özündən çıxardı - Baku TV CANLI
- ABŞ ilə İran arasındakı proses Xəzəryanı dövlətlərə necə təsir edəcək? - BİZDƏN NƏ DANIŞIRLAR?
- Ermənistanda seçkilərin nəticələrinin ləğvi ilə bağlı müraciətə baxılacaq - Baku TV CANLI
- İrəvan müdafiə adı altında hansı ssenariyə hazırlaşır? | Fransa ilə şübhəli ittifaq - HƏRBİ XRONİKA
