Avropa rəsmisini təəccübləndirən Qarabağ səfəri
“Avropa Şurası Azərbaycan və Ermənistan arasında sülhün əldə olunması üçün çalışmalıdır”.
Bu fikirləri Avropa Şurasının insan hüquqları üzrə komissarı Dunya Miyatoviç təşkilatın yanvarın 22-də işə başlayan qış sessiyası zamanı deyib.
“Mən Qarabağa səfərim zamanı gözəl və barışığa böyük ehtiyacı olan təbiət gördüm. Tövsiyəm budur ki, Avropa Şurası iki ölkə arasında sülhün yaranması üçün fəaliyyəti gücləndirsin”, – deyə komissar bildirib.
Miyatoviç vurğulayıb ki, hər iki tərəf etnik mənşəyindən, millətindən asılı olmayaraq insan hüquqlarına hörmət əsasında sülhün bərpası üçün çalışmalıdır.
“Beynəlxalq təşkilatların fəaliyyəti yalnız o zaman effektiv olar ki, hər iki tərəf əməkdaşlıq etsin və sülh üzərində birgə işləsin”, – deyə komissar əlavə edib.
![icon](/images/loading.png)