Aydın Mirzəzadədən FETÖ ilə bağlı açıqlama
“Azərbaycan hüquq-mühafizə orqanları vaxtaşırı FETÖ terror təşkilatı və onun ölkəmizdəki uzantıları ilə bağlı atılan addımlar haqqında cəmiyyətə məlumat verir. Biz Azərbaycanda müvafiq hakimiyyət orqanlarının məsələni diqqətdə saxladığını, dövlətçiliyimizə qarşı fəaliyyət aparan təşkilatların və insanların əməllərinin qarşısının alınması ilə bağlı mübarizə apardığını görürük. Həmçinin saxlanılan şəxslərin də əməlləri barəsində qısa da olsa məlumat verilir”.
Bu fikirləri Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Aydın Mirzəzadə deyib.
O qeyd edib ki, Azərbaycan heç vaxt onun daxili işlərinə qarışılmasına, Azərbaycan-Türkiyə münasibətlərinə zərbə vurulmasına, milli maraqlarımıza zidd addımların atılmasına imkan verməyəcək.
Qeyd edək ki, Qubad İbadoğlunun həbsi, Fazil Qasımovun Türkiyədə saxlanılaraq ölkəmizə gətirilməsi və Palmali şirkətlər qrupunun sahibi Mübariz Mənsimovun anti-Azərbaycan əməllərinin ifşası növbəti dəfə FETÖ təhlükəsini gündəmə gətirdi.
Hazırda sözügedən üçlüyün mənfur əməlləri, Güləndən aldıqları tapşırıqlar dərin araşdırma mövzusudur və növbəti həbslərin olacağı gözlənilir.
![icon](/images/loading.png)