Pleyeri seçin:
Azərbaycan BƏT-in 59 konvensiyasını ratifikasiya edib
Azərbaycanın əmək və əhalinin sosial müdafiəsi naziri Anar Əliyev ölkəmizin beynəlxalq əmək standartlarına sadiqliyini növbəti dəfə bəyan edib. Bildirilib ki, Azərbaycan hazırda Beynəlxalq Əmək Təşkilatının (BƏT) 59 konvensiyasını və 1 protokolunu ratifikasiya edərək öz üzərinə mühüm öhdəliklər götürüb. Bu sənədlər işçilərin hüquqlarının qorunması, layiqli əmək şəraitinin yaradılması və əmək bazarında təhlükəsizliyin təmin edilməsi baxımından strateji əhəmiyyət kəsb edir. Nazir həmçinin vurğulayıb ki, hazırda daha 4 yeni konvensiyanın ratifikasiya imkanları dövlət tərəfindən ciddi şəkildə araşdırılır. Baku TV-nin xüsusi materialında bu addımların ölkədə qeyri-formal məşğulluğun qarşısının alınmasına və sosial tərəfdaşlığın möhkəmləndirilməsinə necə töhfə verəcəyi təhlil olunur.
Kopyalandı
Seçilmişlər
