Azərbaycan Ermənistandan Göyçə mahalının müdafiə mövqelərini tələb edir? | Ermənistandan açıqlama

Erməni mediasında “Azərbaycan Ermənistandan Göyçə mahalının 12 müdafiə mövqeyini geri tələb edir” başlıqlı xəbərlər yayılıb.

Belə informasiyaların tirajlanmasına səbəb isə Çəmbərək icmasının Vahan kəndinin yaxınlığındakı əkin sahələrində tədqiqatçıların görünməsi olub.

Ermənistan hökuməti sözügedən mövqelərin Azərbaycana təhvil verilməsi planı ilə bağlı yayılan məlumatlara dərhal reaksiya verib. Nazirlər Kabineti mediaya açıqlamasında bildirib ki, yayılan xəbərlər həqiqəti əks etdirmir.