Azərbaycan İsrailə başsağlığı verib

Azərbaycan Xarici İşlər Nazirliyi İsraildə sinaqoqa silahlı hücumu pisləyib. Bu barədə nazirliyin “Twitter” səhifəsində paylaşım edilib.

“Yerusəlimin Neve Yaakov məhəlləsindəki sinaqoqda terror hücumunu şiddətlə qınayırıq. Həlak olanların ailəsinə başsağlığı verir, yaralananlara tezliklə şəfa diləyirik”, - deyə paylaşımda deyilir.

Qeyd edək ki, Yerusəlim şəhərində sinaqoqa silahlı hücum zamanı 8 nəfər həlak olub, daha 10 nəfər yaralanıb. Məlumata görə, hadisəni törətməkdə şübhəli bilinən şəxs güllələnib. Hücum terror aktı kimi qiymətləndirilir.