Azərbaycan QHT-ləri Adam Şiffə müraciət edib | ABŞ-nin konqresmenindən qərəzli addım

Azərbaycan vətəndaş cəmiyyəti təmsilçiləri və Ermənistan silahlı qüvvələri tərəfindən Azərbaycanın əvvəllər işğal altında olmuş ərazilərində yerləşən öz evlərimizdən məcburi köçkün düşmüş əhali olaraq, “2024-cü il Artsax Gəlirlərinin Bərpası Aktı” təşəbbüsünüzü pisləyirik.

Bu barədə Azərbaycan QHT-ləri ölkəmizə qarşı qərəzli qanun layihəsinin müəllifi ABŞ konqresmeni Adam Şiffə ünvanladıqları açıq məktubda bildiriblər.

Müraciətdə islamofob Adam Şiffə xatırladılır ki, erməni lobbi qruplarına istinad edərək, Ermənistan tərəfindən məcburi köçkün edilmiş azərbaycanlıların öz evlərinə qayıtmaq hüququna diskriminativ yanaşma əxlaqi dəyərlərin təhqir edilməsidir.

Azərbaycan QHT-ləri Adam Şiffi saxta, qərəzli məlumatlardan ibarət sənədi geri çəkməyə dəvət ediblər. “Həmin sənədin geri çəkilməməsi halında, bu, ABŞ-nin maraqlarına böyük zərbə vuracaq”, – deyə QHT-lər qərəzli konqresmenə xəbərdarlıq ediblər.

Məktubda qeyd olunub ki, konqresmenin Azərbaycana qarşı ayrı-seçkilik etməyinin əsas səbəbi etnik və dini simpatiya ilə bağlıdır.