Azərbaycan və Türkiyə dəniz komandolarının birgə təlimi keçirilir

Azərbaycan Hərbi Dəniz Qüvvələrinin dəniz komandoları Türkiyədə keçirilən “Dəniz qurdu-1” hərbi təlimlərində iştirak ediblər.

Bu barədə ölkənin Milli Müdafiə Nazirliyindən bildirilib.

Məşğələlər yanvarın 7-dən 16-dək davam edib. Beynəlxalq təlimdə dəniz komandoları müxtəlif manevrlər icra ediblər. Hərbi təlimlərdə Azərbaycan və Türkiyə ilə birlikdə daha 23 ölkədən olan şəxsi heyət və hərbi attaşelər iştirak ediblər. Məşğələlərə eyni zamanda 17 min şəxsi heyət, 110 suüstü gəmi, 7 sualtı qayıq, 27 təyyarə, 22 helikopter və 22 pilotsuz uçuş aparatı qatılıb.