Azərbaycana humanitar yardıma görə təşəkkür etdim | Ukrayna XİN rəhbəri

Azərbaycan xarici işlər naziri Ceyhun Bayramovla ukraynalı həmkarı Dmitro Kuleba arasında telefon danışığı olub. Bu barədə ukraynalı diplomat sosial şəbəkədə məlumat verib.

“Telefon danışığımız zamanı Ceyhun Bayramovla Ukrayna və Azərbaycan arasında əməkdaşlığın yüksək səviyyədə olduğunu qeyd etdik. Azərbaycana humanitar yardıma görə təşəkkür etdim. Həmkarımı Rusiyanın Ukraynanın mülki və enerji infrastrukturuna zərbələri barədə bilgiləndirdim. Biz gələcək ikitərəfli təmasları əlaqələndirdik”, – deyə D.Kuleba sosial şəbəkədə yazıb.