Azərbaycanda terror törətmək istəyən erməni kəşfiyyatçı saxlanıldı
Bu gün saat 11:15 radələrində Ermənistan Silahlı Qüvvələrinin kəşfiyyat-diversiya qrupu terror-təxribat əməliyyatları həyata keçirmək məqsədilə Ordumuzun Kəlbəcər rayonu İstisu yaşayış məntəqəsi istiqamətində yerləşən döyüş mövqelərinin arasındakı boşluqlardan istifadə edərək Azərbaycan ərazisinə sızmağa cəhd edib.
Bu barədə Müdafiə Nazirliyindən məlumat verilib. Bildirilib ki, bölmələrimizin sayıqlığı nəticəsində atəş vasitələrimizin dəstəyi ilə erməni hərbçilərin təxribatının qarşısı alınıb. Nəticədə diversiya qrupunun bir üzvü yaralanmış vəziyyətdə hərbi qulluqçularımız tərəfindən saxlanılıb. Kəşfiyyat-diversiya qrupunun digər üvləri geri çəkilməyə məcbur edilib.
Hazırda qrupun saxlanılan üzvü haqqında məlumatlar dəqiqləşdirilir. İctimaiyyətə əlavə məlumat veriləcək.
#Azərbaycan teqi istifadə olunub
- Rusiya Azərbaycan vasitəsilə İrana nələr yollayır? - Baku TV
- "İran rejimi həddini aşarsa..." | Cənubi azərbaycanlılar nə kimi addım ata bilər? - Baku TV
- “Azərbaycan İrana qarşı əməliyyatlarda iştirak etmir və etməyəcək” | Prezident
- Ukrayna və Azərbaycan arasında hansı danışıqlar aparılır?
- Orta güc modeli: Azərbaycan və Qazaxıstanın strateji tandemi | AKTUAL GÜNDƏM
