Bakıdakı beynəlxalq forumun əhəmiyyəti | Amerikalı politoloqdan açıqlama

“Belə mötəbər bir tədbirə ev sahibliyi edən Azərbaycana və prezidentinizə dərin təşəkkürümü bildirirəm. Burada olmaqdan böyük məmnunluq hissi duyuram. İlham Əliyevin yürütdüyü siyasət, dövlətlərlə qurduğu dostluq əlaqələri bu ümumdünya forumda bizə həm danışmağa, həm də digər ölkələri narahat edən problemləri dinləməyə fürsət yaratdı”.

Bunu Bakıda keçirilən VI Ümumdünya Mədəniyyətlərarası Dialoq Forumu ilə bağlı Baku TV-yə açıqlamasında amerikalı politoloq İrina Tsukerman deyib.

“Problemlər danışmaqla həll olunmur. Ona görə də bu vacib forum gedişatında təkcə dialoqlar deyil, həm də gələcəkdə atılması vacib olan addımlar və planlar müzakirə olunur. Xüsusilə bildirmək istəyirəm ki, münaqişə və müharibənin nə olduğunu bilən bir ölkə başçısının dünyada sülhə dair çağırış etməsi də bir tolerantlıq nümunəsidir. O, bununla ədalətli siyasətin mövcud olduğunu bir daha sübut etdi. İnanıram ki, bu qlobal forum dünyanın yenidən qurulmasına, problemsiz, müharibəsiz ölkələrin mövcudluğuna böyük töhfələr verəcək”, – deyə o əlavə edib.