Baş nazir Əli Əsədov İbrahim Rəisinin anım mərasimində iştirak etdi
Mayın 22-də Azərbaycan Respublikası Prezidentinin tapşırığına uyğun olaraq Baş nazir Əli Əsədovun rəhbərlik etdiyi nümayəndə heyəti İran İslam Respublikasının Prezidenti Seyid İbrahim Rəisinin, xarici işlər naziri Hüseyn Əmir Abdullahiyanın və digər müşayiət edən şəxslərin helikopter qəzasında faciəli surətdə həlak olmaları ilə əlaqədar Tehran şəhərində keçirilən rəsmi anım mərasimində iştirak edib. Bu barədə Nazirlər Kabinetindən məlumat verilib.
Baş nazir Əli Əsədov İran İslam Respublikasının Birinci vitse-prezidenti, Prezidentin vəzifəsini icra edən Məhəmməd Moxberlə görüşərək ona Azərbaycan Respublikasının Prezidenti, hökuməti və xalqı adından dərin hüznlə başsağlığı verib. Bildirilib ki, böyük dövlət xadimi, görkəmli siyasətçi Seyid İbrahim Rəisi bütün həyatını ölkəsinə fədakarlıqla və sədaqətlə xidmətə həsr edib.
Azərbaycan nümayəndə heyətinə xarici işlər naziri Ceyhun Bayramov, həmçinin Milli Məclisin Azərbaycan-İran parlamentlərarası əlaqələr üzrə işçi qrupunun üzvləri Əziz Ələkbərov, Cavanşir Paşazadə, Cəbi Quliyev və digər rəsmi şəxslər daxildir.
#İran teqi istifadə olunub
- İranda xəstələr dərman axtarır | Xəstəxanalar, apteklər çıxış yolunu nədə görür? - Baku TV
- Tehran boğazı gəlir mənbəyinə çevirərək qaydaları dəyişamək istəyir - Baku TV
- ABŞ-İran diplomatik təmasları yeni mərhələyə keçir?
- İranın vitse-prezidenti: “Danışıqlarda güzəşt olmayacaq”
- İran ordusu hücum planını açıqladı: ABŞ və İsrailə cavab hazırdır? - AKTUAL GÜNDƏM
