Bu bölgədə yeni hərbi əməliyyat başlaya bilər
“Müharibə başlasa, Azərbaycan Göyçəni götürəcək. Ermənistan hakimiyyəti və Xankəndidəki Arayik Arutyunyan Qarabağı Azərbaycana təslim etməyə çalışır”.
Bunu erməni politoloq Ara Vardanyan “pastinfo”ya müsahibəsində deyib.
Onun sözlərinə görə, Ermənistan hakimiyyəti və A.Arutyunyan Qarabağın təhvil verilməsi ilə bağlı müxtəlif siyasi fiqurlarla müzakirələrə başlayıb: “Xankəndidə Qarabağın Azərbaycana təhvil verilməsinə razı olan fiqurlar var və onlardan biri də Samvel Babayandır. Onlar artıq bu məsələdə razılığa gəliblər”.
A.Vardanyan onu da bildirib ki, bölgədə yeni hərbi əməliyyatların başlanması təhlükəsi var və bu, istisna deyil.
“İran və Rusiya bu müharibənin olmasını istəmir və buna qarşıdır. Əgər müharibə olarsa, o zaman Azərbaycan Göyçə gölünü götürəcək. Azərbaycan Prezidenti də dəfələrlə deyib ki, Göyçə (Sevan gölü) onlarındır. Üstəlik, Nikol Paşinyan və komandası son vaxtlar su qıtlığından danışmağa başlayıb. İstisna etmirəm ki, gözlənilən hərbi əməliyyatlar Göyçə gölünün ələ keçirilməsi istiqamətində olacaq”, – A.Vardanyan bildirib.
#Ermənistan teqi istifadə olunub
- Ermənistanda seçkilərin nəticələrinin ləğvi ilə bağlı müraciətə baxılacaq - Baku TV CANLI
- İrəvan müdafiə adı altında hansı ssenariyə hazırlaşır? | Fransa ilə şübhəli ittifaq - HƏRBİ XRONİKA
- Azərbaycandan Ermənistana 17 vaqon yola salındı - Baku TV CANLI
- Azərbaycandan Ermənistana 17 vaqon yola salındı - Baku TV
- Azərbaycandan tranzit keçməklə Ermənistana 490 ton buğda göndərilib - Baku TV
