Çavuşoğlu Azərbaycanla bağlı paylaşım etdi

Türkiyənin xarici işlər naziri Mövlud Çavuşoğlu “Twitter” hesabında Azərbaycanla bağlı paylaşım edib.

Qardaş ölkənin baş diplomatı “Can Azərbaycanla tək millət, iki dövlət, tək yumruğuq” sərlövhəli poster paylaşaraq qeyd edib: “Can Azərbaycanla bənzərsiz həmrəylik. Təşəbbüskar, humanist və səmərəli xarici siyasətimiz”.

Posterdə isə bu sözlər yazılıb: “Qardaş Azərbaycanın ikinci Qarabağ savaşındakı haqlı davasına siyasi və mənəvi dəstək verdik. İmzaladığımız Şuşa bəyannaməsi ilə strateji ortaqlıq sahəsindəki münasibətlərimizi müttəfiqlik səviyyəsinə yüksəltdik. İşğaldan azad edilən torpaqlarda başladılan bərpa və yenidənqurma işlərinə töhfəmiz davam edir. Füzuli və Zəngilanda qısa müddətdə inşa edilən beynəlxalq hava limanlarını açılışını prezidentlərimiz birlikdə gerçəkləşdirdilər. Ticarətimizin həcmi 6.5 milyard dollara çatdı. Can Azərbaycanla əməkdaşlığımız Cənubi Qafqazda sülhün və sabitliyin qarantıdır”.