Ceyhun Bayramov çağırış etdi | Ermənistanla bağlı son vəziyyət

“Azərbaycanla Ermənistan arasında sülh müqaviləsinin imzalanması üçün tarixi şans yaranıb”.

Bunu Bakıda Azərbaycan, Gürcüstan və Türkiyənin XİN rəhbərlərinin 9-cu üçtərəfli görüşünün yekunları üzrə mətbuat konfransı zamanı Azərbaycanın xarici işlər naziri Ceyhun Bayramov deyib.

Nazir bildirib ki, sülhün təmin olunması üçün beynəlxalq hüququn norma və prinsiplərinə əməl edilməlidir.

“Həmçinin beynəlxalq ictimaiyyət Ermənistan tərəfini dürüst, açıq şəkildə Azərbaycanla danışıqlara sövq etmək üçün addımlar atmalıdır. Azərbaycan sülhün təmin edilməsi istiqamətində sistemli, ardıcıl addımlar atır”, – deyə o əlavə edib.