Ceyhun Bayramov həmkarı Hakan Fidan ilə görüşdü | Nüvə Enerji Sammiti

Azərbaycanın xarici işlər naziri Ceyhun Bayramov Nüvə Enerjisi Sammiti çərçivəsində Türkiyənin xarici işlər naziri Hakan Fidanla görüşüb. Bu barədə Xarici İşlər Nazirliyindən məlumat verilib.

Bildirilib ki, görüş zamanı iki ölkə arasında qardaşlıq və strateji müttəfiqlik əlaqələrinin inkişafından məmnunluq ifadə olunub.

Ölkələrimiz arasında ikitərəfli və çoxtərəfli formatda davam edən uğurlu əməkdaşlığın regional inkişafa mühüm töhfələr verdiyi, bu xüsusda ticarət, enerji, təhlükəsizlik, nəqliyyat, elm-təhsil və bir çox digər istiqamətlərdə əməkdaşlığın daha da dərinləşməsinin əhəmiyyəti vurğulanıb. Həmçinin bölgədə nəqliyyat dəhlizlinin birgə inkişafının önəmi qeyd edilib.

Nazir Ceyhun Bayramov Azərbaycan-Ermənistan münasibətlərinin normallaşma prosesi barədə həmkarına məlumat verib.