Ceyhun Bayramov Marko Rubio ilə nələri müzakirə etdi? - Baku TV
Azərbaycanın xarici işlər naziri Ceyhun Bayramov yanvarın 19-da ABŞ dövlət katibi Marko Rubio ilə telefon danışığı aparıb.
Bu barədə Azərbaycan Xarici İşlər Nazirliyi məlumat yayıb.
Bildirilib ki, telefon danışığı zamanı Azərbaycanla ABŞ arasında ikitərəfli əməkdaşlığın mövcud vəziyyəti və inkişaf perspektivləri, eləcə də regional vəziyyət və Azərbaycan-Ermənistan normallaşma prosesi müzakirə edilib.
Qeyd olunub ki, 8 avqust Vaşinqton Sülh Sammitindən sonra Strateji Tərəfdaşlıq Xartiyasının hazırlanması istiqamətində ikitərəfli təmaslar və müzakirələr yüksək qiymətləndirilib və tərəflər layihənin qısa müddət ərzində razılaşdırılaraq imzalanacağına ümidvar olduqlarını bildiriblər. Bu istiqamətdə müəyyən ediləcək prioritetlərin iki ölkə arasında münasibətlərə əlavə təkan verəcəyi vurğulanıb.
Ceyhun Bayramov öz növbəsində Azərbaycan-Ermənistan normallaşma və sülh prosesi üzrə perspektivlər barədə ölkəsinin mövqeyini qarşı tərəfin diqqətinə çatdırıb. Azərbaycanla Ermənistan arasında normallaşma prosesi çərçivəsində atılan addımlar, etimad quruculuğu tədbirləri təqdir olunub. "Beynəlxalq Sülh və Rifah naminə Tramp Marşrutunun" icrası üzrə görülən işlərin əhəmiyyəti vurğulanıb.
Tərəflər bununla yanaşı, digər məsələlər barədə də fikir mübadiləsi aparıblar.
#Ceyhun Bayramov teqi istifadə olunub
- TRIPP-in Ermənistandan keçən hissəsinin Rusiyaya aidiyyəti yoxdur | Ceyhun Bayramov - Baku TV
- Azərbaycanın milli maraqları tələb edərsə... | Ceyhun Bayramovdan açıqlama - Baku TV
- Ceyhun Bayramov “Rus evi” ilə bağlı iddialara son qoydu - Baku TV
- "Avropa Siyasi Birliyinin 12-ci zirvə toplantısının Azərbaycanda keçirilməsi planlaşdırılır" | Ceyhun Bayramov
- “Beynəlxalq təşkilatlarda irəli sürülən namizədliyin hər biri uğurla nəticələnib” | Ceyhun Bayramov
