Çinlə imzalanan ikitərəfli sənədlərin önəmi | Bakı-Pekin əlaqələri daha da güclənir

“Prezident İlham Əliyev açıq şəkildə bildirdi ki, Azərbaycan Çinin irəli sürdüyü Qlobal İnkişaf Təşəbbüsü, Qlobal Təhlükəsizlik Təşəbbüsü və Qlobal Sivilizasiya Təşəbbüsünü fəal şəkildə dəstəkləyir. Həmçinin Azərbaycan tərəfi Qlobal İdarəçilik Təşəbbüsünü də yüksək qiymətləndirir”.

Bunu Çinin Azərbaycandakı səfiri Lu Mey bildirib.

“Bu, Azərbaycanın Çinlə əməkdaşlığa, beynəlxalq münasibətlərdə ədalət və bərabərliyə nə qədər böyük önəm verdiyini göstərir. Qarşıdakı mərhələdə əməkdaşlığın genişləndirilməsi üçün böyük imkanlar mövcuddur.

Bura nəqliyyat və logistika, xüsusilə Trans-Xəzər Beynəlxalq Nəqliyyat Dəhlizinin inkişafı, enerji və kənd təsərrüfatında ənənəvi əməkdaşlıq sahələrinin gücləndirilməsi, yüksək texnologiyalar – rəqəmsal iqtisadiyyat, süni intellekt, yaşıl inkişaf və humanitar sahədə – təhsil, mədəniyyət, turizm, gənclər siyasəti sahələrində əməkdaşlıq daxildir.

Prezident İlham Əliyevin Çinə səfəri çərçivəsində həm də süni intellekt, elmi-texniki innovasiya, maliyyə və media sahələrində bir sıra ikitərəfli sənədlər imzalanıb”, – deyə o qeyd edib.