Pleyeri seçin:
COP29-da daha bir mühüm addım | Bu, ilk sənəddir ki...
Xəbərlərimizi Google-da izləyin
Yeniliklərdən dərhal xəbərdar olun
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının başlanğıcında Azərbaycan hökuməti Uşaqlar, Gənclər və İqlim Fəaliyyəti Bəyannaməsini imzalayaraq iqlim siyasətində uşaqları ön plana çəkmək öhdəliyini öz üzərinə götürüb.
Bəyannamənin imzalanma mərasimində ekologiya və təbii sərvətlər naziri, COP29-un Prezidenti Muxtar Babayev, UNICEF-in icraçı direktoru Ketrin Rassell, COP29-un gənc iqlim çempionu Leyla Həsənova, yüksək səviyyəli dövlət rəsmiləri, həmçinin uşaqlar və gənclər iştirak ediblər.
UNICEF Azərbaycan hökumətinin bu bəyannaməsini imzalamaqla üzərinə götürdüyü öhdəliyi alqışlayıb.
Bu bəyannamə inklüziv, həmçinin uşaqlar və gəncləri öndə tutan iqlim siyasətini və fəaliyyətini sürətləndirmək üçün yerli və qlobal səviyyədə qəbul edilmiş ilk sənəddir.
İqlim dəyişikliyi uşaqların sağlamlığına, inkişafına, təhlükəsizliyinə və əsas xidmətlərə çıxışına ciddi təsir göstərir. Bir milyarda yaxın uşaq, yəni dünyanın uşaq əhalisinin yarısı iqlim dəyişmələri və çirklənmənin təsirlərindən "son dərəcə yüksək risk" altında olan 33 ölkədə yaşayır.
Bəyannamənin icrasını dəstəkləmək üçün UNICEF hökumətlər və tərəfdaşlarla birgə uşaqlar üçün vacib olan təhsil, sosial müdafiə və səhiyyə kimi mövcud sistemləri uyğunlaşdırmaq və gücləndirmək üzərində çalışır.
Kopyalandı
Seçilmişlər
