COP29 QHT Koalisiyası "Baku dönüşü" ilə əlaqədar bəyanat yayıb | 198 tərəfin verdiyi ümumi qərar

COP29 Qeyri-Hökumət Təşkilatları Koalisiyası “Bakı dönüşü” ilə əlaqədar bəyanat yayıb.

Sənəddə bildirilib ki, 100-dən çox ölkədən 500-ə yaxın vətəndaş cəmiyyəti təsisatını özündə birləşdirən Koalisiya Azərbaycanın COP29 Sədrliyi ilə yeni iqlim maliyyəsinin müəyyənləşdirilməsi, Paris Sazişinin 6-cı maddəsinin işə salınması, İtki və Zərər Fondunun fəaliyyətə başlaması kimi vacib əhəmiyyət daşıyan qərarların qəbul olunmasını mühüm irəliləyiş hesab edir.

Qeyd edilib ki, 198 tərəfin iştirakı ilə verilən ümumi qərar gərgin müzakirələr hesabına ərsəyə gəlib. Bu razılığın əldə olunması kollektiv səylərin nəticəsidir və Bakı üçün tarixi bir andır. Sənəddə maliyyə artımı ilə bağlı yer alan çağırış COP prosesində gələcək danışıqların mühüm istinad nöqtəsi olacaq.

Xatırladaq ki, COP29 QHT Koalisiyası 2024-cü ilin yayında Milli Qeyri-Hökumət Təşkilatları Forumunun təşəbbüsü ilə yaradılıb.