Donald Tramp: Azərbaycan və bir sıra ölkələr Sülh Şurasına 7 milyard dollar vəsait yatırıb - Baku TV

ABŞ Prezidenti Donald Tramp Vaşinqtonda Sülh Şurasının ilk rəsmi toplantısında bir sıra ölkələrin, o cümlədən Azərbaycanın Qəzzanın yenidən qurulması və qlobal sülh təşəbbüsləri üçün 7 milyard dollardan çox vəsait ayırdığını elan edib. Tramp çıxışında Azərbaycan, Qazaxıstan, BƏƏ, Səudiyyə Ərəbistanı, Özbəkistan və digər tərəfdaş ölkələrin bu humanist addımını yüksək qiymətləndirərək onlara minnətdarlığını bildirib. Bununla yanaşı, Azərbaycan Prezidentinin köməkçisi Hikmət Hacıyev rəsmi Bakının Sülh Şurasının məqsədlərini dəstəklədiyini, lakin hazırkı 7 milyardlıq konkret maliyyə paketinə qoşulmağı planlaşdırmadığını, gələcəkdə investisiya layihələrini nəzərdən keçirə biləcəyini dəqiqləşdirib. Bu tarixi iclasda həmçinin ABŞ-ın şuraya 10 milyard dollar ayıracağı və BMT-nin əlavə humanitar dəstək göstərəcəyi vurğulanıb. Sülh Şurası beynəlxalq təhlükəsizlik və iqtisadi dirçəliş üçün yeni qlobal platforma kimi çıxış edir.