Ərdoğan NATO-nun baş katibi Stoltenberqlə görüşdü

Türkiyə Prezidenti Rəcəb Tayyib Ərdoğan NATO-nun Baş katibi Yens Stoltenberqi qəbul edib.

Görüşdə Y.Stoltenberq Türkiyənin NATO-ya verdiyi töhfəyə diqqət çəkib. O bildirib ki, həmçinin İsveç də öz öhdəliklərini yerinə yetirmiş sayılır.

Y.Stoltenberqin sözlərinə görə, İsveçdə keçirilən nümayişlərin təşkilatçıları ölkənin NATO-ya üzv olmasına mane olmağa çalışırlar.

Y.Stoltenberq həmçinin qeyd edib ki, R.T.Ərdoğanla görüşdə İsveçlə Daimi Müştərək Mexanizmin növbəti görüşünün iyunun 12-də keçirilməsi ilə bağlı razılıq əldə olunub.