Ərdoğanın Xocalı ilə bağlı verdiyi vəd

Türkiyə Prezidenti Rəcəb Tayyib Ərdoğanın doğum günüdür.

69 yaşı tamam olan lider 1954-cü ilin bu günü, Türkiyənin İstanbul şəhərində dünyaya gəlib. Ali təhsilini Mərmərə Universitenin İqtisadi və ticari elmlər fakültəsində alıb.

Uşaqlıqdan idmana olan sevgisi ilə seçilən R.T.Ərdoğan 16 il müxtəlif komandalarda futbol oynayıb. 1980-ci ildən etibarən isə futbol kariyerasına son qoyub. Bundan sonra o, siyasi fəaliyyətə üstünlük verməyə başlayıb. 1982-ci ildə isə əsgəri xidmətə yollanması onun siyasi həyatında müəyyən fasilənin yaranmasına səbəb olsa da, 1983-cü ildən Rifah Partiyası ilə yenidən siyasi həyata qayıdır. Az sonra partiyanın rəhbər şurasına seçilən şəxslər arasında Ərdoğanın adı da hallanır.

1994-cü ildən etibarən onun kariyerasında yeni dönəm başlayır. Belə ki, həmin il İstanbul bələdiyyə sədri vəzifəsinə namizədliyini irəli sürür və böyük səs çoxluğu ilə bu posta seçilir. Bələdiyyə sədri vəzifəsində Ərdoğan xeyli uğurlar qazanır. Siyasi həyatı isə Rifah Partiyasında davam edir. 1997-ci ildə siyasi səbəbələrə görə istefaya məcbur edilir. 2001-ci ildə Ədalət və İnkişaf partiyasını (AKP) yaradır və partiyanın rəhbəri də elə özü seçilir. 2002-ci ildə parlamentə keçirilən seçkilərdə AKP birinci yerə çıxır. Bu nəticə qeyri-şərtsiz Rəcəb Tayyip Ərdoğanın nüfuzu idi. Millət vəkili seçildikdən sonra çox keçmir ki, Baş nazir olur. Ərdoğanın Baş nazir vəzifəsindən sonrakı fəaliyyəti isə onun nüfuzunu daha da artırır. Türkiyə liderinin prezidentlik dövrü isə 2014-cü ildən başlayır və bu günə kimi davam edir.