Erməni hərbçi sərhədçilərimizi aldada bilmədi

Ermənistandan Xankəndiyə gəlmək istəyən şəxs Laçın sərhəd-buraxılış məntəqəsində sərhədçilərimiz tərəfindən saxlanılıb və ona Azərbaycan ərazisinə daxil olmağa icazə verilməyib.

Səbəb onun əslində hərbi qulluqçu olmasıdır. Belə ki, sözügedən erməni mülki geyimdə sərhəd-buraxılış məntəqəsindən keçməyə çalışıb, lakin sərhədçilərimiz bunun qarşısını alıblar.

Bu barədə Ermənistanın “Hraparak” nəşri məlumat yayıb. Məqalədə bildirilib ki, hadisə iyunun 6-da qeydə alınıb.

“Bu hadisə onu deməyə əsas verir ki, azərbaycanlılar sərhəddən keçmək istəyən istənilən şəxsin kimliyini müəyyən edə bilirlər, yəni onların müvafiq məlumat bazası var. Üstəlik, bu hadisə Rusiya sülhməramlıları və Rusiya faktorunun artıq Qarabağda rol oynamadığını təsdiq edir”, – deyə məqalədə bildirilib.