Erməni miqrantdan etiraf | bizi evdən çıxardıb dedilər ki, türklər gəlir

“2020-ci ildə müharibədən sonra ailəmlə Ermənistanın Gorus şəhərinə təxliyə edildik. Ağdamda mülküm, evim, nar bağlarım var idi. Araik Arutyunyan bizi aldadıb, heç bir pul ödəmədi. Pulu ancaq öz adamlarına verdilər, biz pulsuz qaldıq”.

Bunu Azərbaycanın Qarabağ bölgəsində qanunsuz yaşamış erməni miqrantlardan biri, Ermənistan vətəndaşı İrəvan telekanallarına müsahibəsində deyib.

“Kəndin başçısı, Araik Arutyunyanın adamları hamısı bizi qarət etdilər. Bizi evdən çıxardıb dedilər ki, türklər gəlirlər. Bütün bunları onlar ediblər və indi də Bako Saakyanla birlikdə cəzalarını çəkirlər. 30 il qarabağlıları aldatdılar. Kim rəhbərlik etdisə, bizi soydu. Qarabağ erməniləri 30 il aldadıldı. Robert Köçəryan “Qarabağ məsələsini mən həll edəcəyəm” dedi.

“Qarabağ məsələsi” nədir? Bizi qarət edib, yeyib, aldatdılar. Bunun Nikol Paşinyanla heç bir əlaqəsi yoxdur. Bilirsiniz, biz qarət etdik, Azərbaycan isə silahlandı. Biz düşünmürdük. 30 ildir ki, bütün Heyvalı qarət edilib, qızıl çıxarılıb, bu qızıl haradadır? Qarabağı qaytarmaq mümkün olmayacaq, bunu həmişə demişəm və deyəcəyəm.

Azərbaycan hər rayonda baza yaradıb, aeroportlar tikibsə, Qarabağı necə qaytaracağıq. Onları necə məğlub etmək istəyirsiniz? Bu mümkün deyil, heç vaxt. Bütün dövlətlər Azərbaycanın tərəfindədir. Qarabağ klanı Qarabağı yedi. 1998-ci ildən Gorusdan Qarabağa gələndə Arkadi Qukasyanın dövründə quldurluq başladı. Külli miqdarda rüşvət aldılar”, – o bildirib.