Ermənistan tərəfindən açıqlama | Delimitasiya ilə bağlı növbəti iclas keçiriləcək

Yanvarın 31-də Azərbaycan və Ermənistan arasında dövlət sərhədinin delimitasiyası və sərhəd təhlükəsizliyi məsələləri üzrə komissiyanın növbəti iclasının keçirilməsi nəzərdə tutulur.

Bu barədə Ermənistan Baş nazirinin müavini Mqer Qriqoryanın aparatından bildirilib.

Sayca 6-cı iclasda komissiyanın əsasnaməsi də müzakirə olunacaq. Bundan əvvəl qeyd olunub ki, iclasda 3-cü tərəfin iştirakı planlaşdırılmır.

Qeyd edək ki, komissiyaya Azərbaycan tərəfdən Baş nazirin müavini Şahin Mustafayev, Ermənistan tərəfdən isə Mqer Qriqoryan sədrlik edir. Komissiyanın 5-ci iclası 2023-cü il noyabrın 30-da Azərbaycan-Ermənistan sərhədində keçirilib.