Ermənistandan Azərbaycan qazını almağı ilə bağlı açıqlama | Alen Simonyan

“Ermənistan Azərbaycandan qaz almaq məsələsini müzakirə etməyə hazırdır”.

Bunu Ermənistan parlamentinin spikeri Alen Simonyan deyib. Bildirib ki, İrəvanın Bakıdan qaz almasını müsbət hesab edir.

“Bu məsələni müzakirə etməliyik. Hətta indi də Rusiyadan aldığımız qazın bir hissəsi Azərbaycan qazıdır”, – deyə o əlavə edib.

Xatırladaq ki, aprelin 23-də Prezident İlham Əliyev “COP29 və Azərbaycan üçün Yaşıl Baxış” mövzusunda keçirilən beynəlxalq forumda çıxışı zamanı bildirib ki, əgər iki ölkə arasında uzunmüddətli toqquşmaya son qoyulsa, yaxın zamanda sülh sazişi imzalansa, digər ölkələr kimi, Ermənistan da Azərbaycan qazını ala bilər.