Estoniyalı nazir Rusiya-Ukrayna müharibəsindən danışdı

Estoniyanın xarici işlər naziri Marqus Tsahkna Rusiya-Ukrayna müharibəsi və bölgədəki təhlükəsizlik vəziyyəti ilə bağlı mühüm bəyanatlarla çıxış edib. Baku TV-nin məlumatına görə, nazir Rusiyanın apardığı siyasəti kəskin tənqid edərək, Moskvanı regionun sabitliyinə birbaşa təhdid adlandırıb.

Tsahkna bildirib ki, Estoniya Rusiya kimi aqressiv bir dövlətlə qonşu olmanın çətinliklərini yaşayır. O, Ukraynaya verilən beynəlxalq dəstəyin davam etdirilməsinin vacibliyini vurğulayaraq, Rusiyanın hərbi ambisiyalarının qarşısının alınmasının bütün Avropanın təhlükəsizliyi üçün kritik olduğunu qeyd edib. Nazir həmçinin Bakıdakı təmasları zamanı Azərbaycanla münasibətlərdə yeni dövrün başladığını və regional təhlükəsizlik məsələlərində ortaq maraqların olduğunu diqqətə çatdırıb.