FHN Türkiyədə yanğınsöndürmə əməliyyatlarını davam etdirir

Fövqəladə Hallar Nazirliyinin amfibiya tipli təyyarəsi Türkiyədə yanğınsöndürmə əməliyyatını davam etdirir.

Bu barədə nazirlikdən xəbər verilib.

Bildirilib ki, Prezident İlham Əliyevin tapşırığına əsasən, Türkiyədəki meşə yanğınları ilə mübarizə tədbirlərinə köməklik göstərilməsi məqsədilə qardaş ölkəyə göndərilən Fövqəladə Hallar Nazirliyinin Aviasiya dəstəsinin “BE-200ÇS” amfibiya tipli təyyarəsi yanğınsöndürmə əməliyyatını davam etdirir.

Əməliyyat çərçivəsində təyyarə oktyabrın 5-də İzmir-Foça istiqamətində meşədəki yanğınla mübarizə tədbirlərinə cəlb olunub. Hazırda yanğınların söndürülməsi işləri davam etdirilir.