Hərbçilərimiz Ermənistanın növbəti kvadrokopterini ələ keçirdi

Ermənistan Silahlı Qüvvələrinə məxsus növbəti kvadrokopter ələ keçirilib. Bu barədə Azərbaycan Müdafiə Nazirliyindən məlumat verilib.

Bildirilib ki, avqustun 7-si saat 13:30 radələrində Ermənistan Silahlı Qüvvələrinə məxsus kvadrokopter Azərbaycan Ordusunun Basarkeçər rayonunun Zod istiqaməti ilə üzbəüz istiqamətdə yerləşən mövqeləri üzərində uçuşlar həyata keçirməyə cəhd göstərib.

Bölmələrimizin sayıqlığı nəticəsində kvadrokopter aşkar edilərək xüsusi texniki vasitələrlə endirilib.