Hərbi attaşelərin Naxçıvan səfərində vacib ziyarətlər | MN məlumat yaydı

Ölkəmizdə akkreditə olunan xarici dövlətlərin hərbi attaşelərinin Naxçıvan Muxtar Respublikasına səfəri təşkil olunub.

Səfərdə 19 ölkəni təmsil edən hərbi attaşelik aparatlarının 35 nümayəndəsi iştirak edib.

Əlahiddə Ümumqoşun Ordunun komandanı general-mayor Kənan Seyidov xarici dövlətlərin hərbi attaşeləri ilə görüşüb.

Səfər iştirakçılarına Əlahiddə Ümumqoşun Ordunun yaranma tarixi, keçdiyi inkişaf yolu, fəaliyyəti, həyata keçirilən islahatlar və qarşıda duran məqsədlərlə bağlı brifinq təqdim olunub.

Hərbi attaşelər Naxçıvan Hərbi Kolleci və Heydər Əliyev adına Hərbi Liseyə də gediblər. Xüsusi təyinatlı təhsil müəssisələrində aparılan islahatlar, mövcud hərbi təhsil sistemi, tədris və elmi fəaliyyət istiqamətləri ilə tanış olublar.

Sonda hərbi attaşelərin tarixi-mədəniyyət abidələrinə ekskursiyası təşkil edilib.