Hikmət Hacıyev : Blokada təbliğatını dayandırın

“Videodan da görünür ki, ekofəallar kənara çəkilir və Beynəlxalq Qızıl Xaç Komitəsinin kolonu keçir”.

Bu barədə Prezidentin köməkçisi Hikmət Hacıyev sosial şəbəkə hesabında paylaşım edib.

“İrəvana gedən təcili tibbi yardım maşınları Şuşa-Xankəndi yolunun kəsişməsindən keçir. Körpə uşaq valideynləri ilə birgə İrəvana aparılıb. Yol mülki və humanitar məqsədlər üçün açıqdır. Blokada təbliğatını dayandırın!”, - deyə Hikmət Hacıyevin paylaşımında bildirilib.

Əlavə edək ki, dekabrın 24-ü səhər saatlarında Şuşadan keçən Xankəndi-Laçın yolunda Beynəlxalq Qızıl Xaç Cəmiyyətinə məxsus 3 avtomobilin növbəti dəfə hərəkətinə şərait yaradılıb.