Hindistan etiraz etdi, Çin dəstəklədi | Ekspert məsələnin iç üzünü açdı

“Şanxay Əməkdaşlıq Təşkilatının konsensus prinsipi bölgədə sabitliyə açıq-aşkar töhfə verən bir dövlətin qəbulunu əngəllədikdə, bu, haqlı suallar doğurur. Azərbaycanın məsələsində Hindistan etiraz edib, Çin isə dəstək göstərib. Bu isə Azərbaycanın hər hansı çatışmazlığı ilə deyil, ikitərəfli gərginliklərin çoxtərəfli platformaya daşınması ilə bağlıdır”.

Bunu Baku TV-yə açıqlamasında beynəlxalq münasibətlər üzrə ekspert Talebur İslam Rupom deyib.

“Tiencin sammitində ŞƏT həmçinin müşahidəçi və dialoq tərəfdaşı kateqoriyalarını birləşdirərək vahid “ŞƏT tərəfdaşı” statusunu qəbul etdi. Azərbaycan hazırda həmin çərçivədədir və gələcəkdə konsensus əsasında tam üzvlük əldə edə bilər.

ŞƏT-in ruhunun daha ədalətli yozumu odur ki, genişlənmə kollektiv maraqları əks etdirməlidir. Azərbaycan artıq enerji təhlükəsizliyində, tranzit əlaqəliliyində və mədəniyyətlərarası dialoqda sabitləşdirici rol oynayır. Bu töhfələr təşkilat səviyyəsində tanınmağa layiqdir”, – deyə o bildirib.