İfşa edilən casus şəbəkəsi və rüsvay olan Makron hökuməti
Azərbaycan hüquq-mühafizə orqanları uğurlu əməliyyatlarla ölkəmizə qarşı planlaşdırılan çirkin əməlləri ifşa etməkdədir.
Ötən ilin sonlarında Fransa vətəndaşı Martin Rayan Azərbaycan Dövlət Təhlükəsizliyi Xidməti tərəfindən həbs edildi. Araşdırmalar zamanı Martin Rayanın tək olmadığı, casusların şəbəkə şəklində fəaliyyət göstərdiyi məlum olub.
Həbs edilən şəxslərdən digəri isə Azərbaycan vətəndaşı Məmmədlidir. O, Fransa vətəndaşlığı almaq və maddi təminatla mükafatlandırma müqabilində Martin Rayanla gizli əlaqələr quraraq region üzrə zəruri informasiyaları toplayıb qarşı tərəfə ötürüb.
Fransız casusların Azərbaycan dövləti tərəfindən ifşası bu ölkədə böyük səs-küyə səbəb olub. Ölkə prezidenti Emmanuel Makron buna görə Xarici Təhlükəsizlik Baş İdarəsinin rəisi Bernar Emyeni vəzifəsindən azad edib.
Casus şəbəkəsinin fəaliyyətinə baxdıqda onların geniş profilli olduğu, müxtəlif bank əməliyyatlarında iştirak etdiyi müşahidə edilir. Böyük maliyyə oyunları və Azərbaycan vətəndaşının prosesə cəlb edilməsi onu göstərir ki, Fransa kəşfiyyatı Azərbaycana qarşı geniş plan qurub.
Bu zaman belə bir sual meydana çıxır: Fransanın Azərbaycandan istəyi nədir? Parisi Bakıya qarşı belə bir düşmənçiliyə nə vadar edir?
![icon](/images/loading.png)