Pleyeri seçin:
İlham Əliyev, Mehriban Əliyeva və Leyla Əliyeva Daşkənddə Müstəqillik abidəsini ziyarət ediblər
Azərbaycan Prezidenti İlham Əliyev, Birinci xanım Mehriban Əliyeva və qızları Leyla Əliyeva Daşkənddə avqustun 22-də Müstəqillik abidəsini ziyarət ediblər.
Prezident İlham Əliyev abidənin önünə əklil qoyub.
Özbəkistanın müstəqilliyinin 30 illiyi münasibətilə ucaldılan abidə paytaxt yaxınlığında yerləşən, ölkənin müstəqilliyinin ildönümünə həsr olunan “Yeni Özbəkistan” kompleksinin mərkəzində yerləşir.
Altmış metr hündürlüyündəki abidə görkəmli şəxsiyyətlərin həyat və fəaliyyəti ilə əlamətdar olan dövrü əks etdirir. Abidə Özbəkistan Prezidenti Şavkat Mirziyoyevin tapşırığı ilə layihələndirilib. Bu abidədə Özbəkistan tarixində qədim vaxtlardan müasir dövrədək baş verən mühüm hadisələr təsvir edilib.
Kompleksdə əsasən sərkərdə və döyüşçülərin, alim və mütəfəkkirlərin, maarifçilərin obrazları əks olunub. Müstəqillik abidəsini sülh, azadlıq, xeyirxahlıq və xoşbəxtliyi tərənnüm edən, qanadları geniş açılmış Humay quşunun obrazı tamamlayır.
Kopyalandı
#İlham Əliyev teqi istifadə olunub
- Biz artıq böyük oyunçuların ciddi marağına səbəb olmuşuq | İlham Əliyev - Baku TV
- Ələt Azad İqtisadi Zonası xarici investorlar üçün cəlbedici platformaya çevrilir - Baku TV
- İlham Əliyev və Edqars Rinkeviçs mətbuata bəyanatlarla çıxış ediblər
- Biz xarici öhdəliklərimizi bir neçə ayda sıfıra endirə bilərik | İlham Əliyev - Baku TV
- Azərbaycan-Latviya biznes-forumu keçirilib
Seçilmişlər
