İlham Əliyev Rəcəb Tayyib Ərdoğana təşəkkür edib

Prezident İlham Əliyev türkiyəli həmkarı Rəcəb Tayyib Ərdoğana təşəkkür edib. Dövlət başçısı bununla bağlı tviterdə paylaşım edib.

Azərbaycan Prezidentinin paylaşımında qeyd olunub: “Təşəkkür edirəm, əziz qardaşım. Amin! “Togg” Sizin liderliyiniz altında qardaş Türkiyənin elmi-sənaye potensialının inkişafının daha bir bariz nümunəsidir”.

Qeyd edək ki, aprelin 4-də Türkiyənin ilk yerli elektromobili “Togg” Prezident İlham Əliyevə təqdim olunub. Türkiyə Prezidenti Rəcəb Tayyib Ərdoğan tviterdə bununla bağlı paylaşım edərək xoş arzularını bildirib. Türkiyə liderinin təbrik tvitində qeyd olunub: “Qardaşım İlham Əliyev də Türkiyənin qüruru “Togg”u təhvil aldı. Xeyirli olsun. Allah gözəl günlərdə istifadə etməyi nəsib etsin, qardaşım”.