"Münasibətlər daha da inkşaf edib" | İki ölkə arasında əlaqələr güclənir - Baku TV

“Azərbaycan Ukrayna xalqına humanitar yardım göstərməkdə davam edir və bu istiqamətdə həmrəyliyini nümayiş etdirir”.

Bunu Azərbaycanın xarici işlər naziri Ceyhun Bayramov ukraynalı həmkarı Andrey Sibiqa ilə keçirdiyi mətbuat konfransında səsləndirib.

“Azərbaycan həmçinin Ukraynanın bərpası prosesinə dəstək verməyə hazır olduğunu bildirir. Xüsusilə mina təhlükəsinin aradan qaldırılması prioritet məsələlərdən biri kimi qiymətləndirilir. Minalar insanların təhlükəsiz qayıdışına, yenidənqurma və bərpa işlərinə ciddi maneə yaradır. Bu səbəbdən beynəlxalq əməkdaşlığın və humanitar minatəmizləmə fəaliyyətinin gücləndirilməsi vacib hesab olunur.

Davam edən müharibə ticarət və iqtisadi əməkdaşlığa da mənfi göstərib. Buna baxmayaraq, Azərbaycan Ukraynaya dəstəyini davam etdirir. Bu məqsədlə ümumilikdə 500 milyon avrodan çox vəsait ayrılıb və humanitar layihələr bundan sonra da davam etdiriləcək”, – deyə nazir qeyd edib.