İrəvanın üzərindən uçan varisə əvəzolunmaz ad günü hədiyyəsi
“Doğum günümə ən yaxşı hədiyyə Naxçıvanda, İrəvanın sərhədində Ağrı dağına baxmaq oldu”.
Bu sözləri İrəvan xanının varisi Əmir Əli Sərdar İrəvani deyib.
“Fürsətdən istifadə edib, İrəvanın və Naxçıvanın Azərbaycandan ayrı düşməsindən danışmaq istəyirəm. Naxçıvan Azərbaycanın qalan hissəsindən təcrid olunub. Təyyarə ilə buraya gələrkən İrəvanın və Göyçə gölünün üzərindən uçurduq və səmadan ata yurduma baxırdım. Çox gözəl, eyni zamanda üzücü mənzərə idi. Təəssüf ki, bura ancaq təyyarə ilə gəlmək mümkündür. Məsələn, Arazdan başqa bəzi tərəfləri də görmək istəyirdim. Mən buraya Zəngəzur dəhlizi ilə gəlmək üçün fürsət axtarırdım. Bu mümkün olmadı. Bu dəfə təyyarə ilə gəldim, bəlkə, növbəti dəfə qismət olar”, – İrəvan xanının varisi vurğulayıb.
O, İrəvana bir neçə dəfə ermənilər tərəfindən dəvət olunduğunu bildirib:
“Əlbəttə, İrəvana getmək yaxşı olardı. Amma ata-babalarımın viran qalmış yurdlarını görmək mənim üçün çox çətin olardı. Ona görə də doğum günümə ən yaxşı hədiyyə burada Naxçıvanda, İrəvanın sərhədində Ağrı dağına baxmaq oldu. Mən əcdadlarıma necə yaxın olduğumu hiss etdim”.
#İrəvan teqi istifadə olunub
- Etiuni izləri: Assuriya və Urartuya qarşı savaşın arxeoloji sübutları | QƏRBİ AZƏRBAYCAN XRONİKASI
- Sandıq dolu qızıldan sürgünə: bir ailənin hekayəsi | QƏRBİ AZƏRBAYCAN
- “İrəvanda hər şeyi canlı görmək maraqlı idi” | Fərhad Məmmədov
- General Karapetyan: “Azərbaycan bu 4 ermənini İrəvandan tələb edəcək”
- “Dördüncü respublika” Azərbaycanla sülhün başlanğıcıdır? | QƏRBİ AZƏRBAYCAN XRONİKASI
