Məğlubiyyət İrəvanı hərəkətə keçirdi | Çin dronları Ermənistana nə verəcək? - HƏRBİ XRONİKA

“Hərbi xronika”nın budəfəki buraxılışında Ermənistan Ordusunun PUA sahəsindəki yeni strategiyası təhlil olunub.

Bildirilib ki, 2020-ci il müharibəsində Azərbaycan PUA-larının yaratdığı təcrübədən sonra İrəvan geriliyi aradan qaldırmağa çalışır. Ermənistan hazırda təkcə dron almaqla kifayətlənmir, bu ölkənin müdafiə naziri Suren Papikyanın şəxsi nəzarəti altında operator hazırlığı, rabitə və yerli istehsalı əhatə edən vahid PUA sistemi qurur.

Qeyd olunub ki, Ermənistanın arsenalında Çin istehsalı olan “CH-4 Rainbow” PUA-larının görünməsi İrəvanın zərbə imkanlarını artırmaq niyyətini göstərir. Paralel olaraq “Davaro Defence Systems” şirkətinin “Dragonfly-3” daxil olmaqla müxtəlif yerli kəşfiyyat və kamikadze dronları təqdim olunub.

Vurğulanıb ki, bütün bu cəhdlərə baxmayaraq, Ermənistanın hazırkı vəziyyətini Azərbaycanla müqayisə etmək mümkün deyil.

Bildirilib ki, Bakı PUA texnologiyalarını artıq daha üst səviyyəyə keçirib.