Mehriban Əliyeva bədii gimnastika üzrə qrup hərəkətləri komandasını təbrik edib

Azərbaycanın Birinci vitse-prezidenti Mehriban Əliyeva “Instagram” hesabında bədii gimnastika üzrə qrup hərəkətləri komandasını təbrik edib.

“Əhsən! Sizinlə fəxr edirəm! Əziz gimnastlar, sizin zəhmətiniz, mətanətiniz və ən yaxşı olmaq istəyiniz sayəsində əldə olunan tərəqqi göz qabağındadır! Məharətinizə, qələbə əzminizə və ən mürəkkəb elementləri zərifliklə yerinə yetirdiyinizə görə sağ olun! Sizə yeni-yeni qələbələr və nailiyyətlər arzulayıram! Sizi sevirəm!”, – deyə paylaşımda qeyd olunub.

Xatırladaq ki, Azərbaycanın bədii gimnastika üzrə qrup hərəkətləri komandası Parisdə təşkil olunan Yay Olimpiya Oyunlarında tarixi nəticəyə imza atıb. Komandamız hakimlərin verdikləri xal əsasında 5-ci pilləni tutub. Bu isə Azərbaycan gimnastika tarixində ən yüksək nəticə olub.