Millət vəkili Yunanıstana sərt xəbərdarlıq etdi

“Yunanıstanın xarici işlər naziri Azərbaycanın ölkəsinin təhlükəsizliyinin təminində oynadığı mühüm roldan danışır. Müdafiə naziri isə İrəvana təşrif gətirərək revanşizmə can atdığı onlara da sirr olmayan Ermənistanı silahlandırmaq üçün əllərindən gələni edəcəklərini deyir və orada Fransa-Yunanıstan-Kipr-Ermənistan kvartetindən dəm vurulur”.

Bunu deputat Sahib Alıyev parlamentin martın 5-də keçirilən plenar iclasında çıxışı zamanı deyib.

“Afinadakılar, görəsən, fərqindədirlərmi ki, bu nankorluqları cavabsız qalmayacaq. Cavablardan biri Türk Dövlətləri Təşkilatının iyulda Şuşada keçiriləcək zirvəsində olacaq”, – o qeyd edib.