Zaxarovaya canlı efirdə nə ilə bağlı xəbərdarlıq zəngi gəldi? | Hər şey üzə çıxdı

Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinq zamanı canlı efirdə telefonla danışması barəsində açıqlama verib.

O, telefon zənginin verdiyi şərhlərdən birinin mövzusunu ekspertlə aydınlaşdırmaqla bağlı olduğunu bildirib:

“Brifinqdən əvvəl internetdə bir sıra materiallarla bağlı suallar var idi. Mütəxəssislərdən bunun bizim mövzumuzla əlaqəli olub-olmadığını soruşdum. Cavab brifinq zamanı gəldi və bildirildi ki, Xarici İşlər Nazirliyi bu məsələlər barəsində şərh vermir”.

Bundan əlavə, M.Zaxarova qurumda heç bir intriqanın olmadığını da vurğulayıb.

Məlumat üçün bildirək ki, brifinq zamanı ona qəfil telefon zəngi gəlib. Bu zaman zəng edən şəxsin səsi də efirə düşüb. Həmin şəxs Rusiya rəsmisinə ballistik raketlərlə bağlı suala şərh verməməsini söyləyib.