Mİllət vəkilindən sərt çıxış: ermənilərin riyakarlıqlarını bir-bir sadaladı

“Qarabağdakı tarixi kilsələrin hamısı albanlara aiddir, ermənilərə aidiyyəti yoxdur. Ermənistanın havadarları narahat olmasınlar. Onlar bizim abidələrdir”.

Bunu Milli Məclisin deputatı Ceyhun Məmmədov parlamentin oktyabrın 24-də keçirilən plenar iclasında çıxışı zamanı deyib.

“Tarixən olduğu kimi, bu gün də biz o abidələrin həqiqi varisləri kimi onları qoruyacağıq. Burada düşünürəm həmin Qərb dairələri Ermənistandan hesabat istəməlidirlər ki, onlar niyə bu abidələrə qənim kəsilərək onları dağıdıb və ya saxtalaşdırıblar. Burada təzminatı albanların pozulmuş hüquqlarına görə Azərbaycan yox, Ermənistan verməlidir”, – o vurğulayıb.