Pleyeri seçin:
Milli Qəhrəman Pəncəli Teymurovun anası İlham Əliyevə təşəkkür məktubu göndərdi
Xəbərlərimizi Google-da izləyin
Yeniliklərdən dərhal xəbərdar olun
Azərbaycanın Milli Qəhrəmanı Pəncəli Teymurovun anası Vahimə xanım Prezident İlham Əliyevə təşəkkür məktubu göndərib.
Vahimə xanım oğluna Milli Qəhrəman adı verilməsinə görə dövlət başçısına minnətdarlığını bildirib.
“Doqquz il intizarla gözlədiyimiz şərəfə ‒ oğlum Pəncəli Teymurovu Aprel döyüşlərində göstərdiyi igidliyə görə ölümündən sonra “Azərbaycan Respublikasının Milli Qəhrəmanı” adı ilə təltif etdiyinizə görə öz adımdan, ailəmizin bütün üzvləri adından sizə öz dərin təşəkkürümüzü və minnətdarlığımızı bildiririk.
Şəhid ailələrinə göstərdiyiniz qayğı və diqqət xalqımız tərəfindən yüksək qiymətləndirilir. Allah sizi başımızın üstündən heç vaxt əskik etməsin. Sizə uzun ömür, can sağlığı arzu edirik”, ‒ deyə məktubda qeyd olunub.
Xatırladaq ki, Prezident İlham Əliyev 2025-ci il noyabrın 7-də gizir Pəncəli Teymurova ölümündən sonra “Azərbaycan Respublikasının Milli Qəhrəmanı” adının verilməsi barədə Sərəncam imzalayıb. Xüsusi Təyinatlı Qüvvələrdə xidmət etmiş gizir Pəncəli Teymurov 2016-cı il Aprel döyüşlərində şəhid olub.
Kopyalandı
#Pəncəli Teymurov teqi istifadə olunub
Seçilmişlər
