Mişel Ərdoğana zəng etdi
Türkiyə Prezidenti Rəcəb Tayyib Ərdoğan Avropa İttifaqı Şurasının sədri Şarl Mişellə telefon danışığı aparıb.
Türkiyə Prezidenti Aparatının Kommunikasiyalar İdarəsindən verilən açıqlamaya görə, Aİ Şurasının sədri dövlət başçısına zəng edərək onu yenidən prezident seçilməsi münasibətilə təbrik edib.
Regional məsələlərin də dəyərləndirildiyi söhbət zamanı R.T.Ərdoğan Türkiyənin Avropa üçün böyük strateji dəyərini, Aİ-yə tamhüquqlu üzvlük istiqamətində bütün səviyyələrdə təmasların artırılmasının vacibliyini vurğulayıb.
Gömrük İttifaqının yenilənməsi, viza rejiminin liberallaşdırılması, immiqrasiyanın idarə edilməsi və terrorla mübarizə sahələrində əməkdaşlığın əhəmiyyətini qeyd edən R.T.Ərdoğan Türkiyəyə ədalətli münasibətin və tamhüquqlu üzvlük perspektivinin dəstəklənməsinin əlaqələrdə yeni üfüqlər açacağını bildirib.
#Şarl Mişel teqi istifadə olunub
- XII Qlobal Bakı Forumunun 3-cü günü | Ən son məlumatlar çatdırıldı
- Beynəlxalq qaydalar təzyiq altındadır, ona görə də... | Mişeldən dünyaya çağırış
- Revanşist Tevanyandan Paşinyana sərt sözlər | Qalmaqallı açıqlama
- Aİ Şurasının prezidenti Şarl Mişelin COP29 məkanına gəlişi
- Ədalətli və inklüziv keçid üçün tədbir görməliyik | Şarl Mişel
