Neçə seçki məntəqəsi fəaliyyət göstərir? - Məzahir Pənahovdan açıqlama

“6478 məntəqədə bütün şərait yaradılıb ki, seçicilər öz konstitusional hüquqlarını müdafiə etmək üçün bütün şəraitdən istifadə etsinlər”.

Bunu Mərkəzi Seçki Komissiyasının sədri Məzahir Pənahov deyib.

O bildirib ki, Mərkəzi Seçki Komissiyası Seçki Məcəlləsinin və digər qanunvericilik aktlarının tələblərinə uyğun olan bütün addımları atıb ki, seçicilər öz hüquqlarından sərbəst istifadə edə bilsinlər.

“Seçki bülletenlərinə 125 dairə üzrə 990 namizəd daxil edilib. Onlardan 305 namizəd seçkilərdə iştirak edən 25 siyasi partiyaların nümayəndələridir. 684 namizəd öz təşəbbüsü ilə, 1 namizəd isə Təşəbbüs Qrupu tərəfindən irəli sürülüb. Ümumilikdə 676 seçicimizin siyasi mənsubiyyəti var”, – deyə MSK sədri qeyd edib.