Ölkə üzrə sayğaclaşdırmanın faiz göstəricisi nə qədərdir? - Baku TV
“İçməli suya olan əlçatanlıq Azərbaycanda 73,4 faiz, Avropa İttifaqında isə 95 faizdir”.
Bunu Azərbaycan Dövlət Su Ehtiyatları Agentliyinin (ADSEA) sədri Zaur Mikayılov "Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair 2026-2035-ci illər üzrə Dövlət Proqramı"na həsr olunmuş müşavirədə bildirib.
O vurğulayıb ki, fasiləsiz su təminatı Azərbaycan üzrə 72,5 faiz, Bakı və Abşeronda 70 faizdir: “Bunun fərqli olmasının səbəbi son illərdə rayonlarda, bölgələrdə aparılan böyük quruculuq işləridir. Odur ki, orada fasiləsiz suya əlçatanlıq daha yüksəkdir”.
Z.Mikayılov həmçinin qeyd edib ki, sayğaclaşdırma Avropa İttifaqı ilə müqayisədə daha yüksək səviyyədədir – 91,9 faizdir.
“Su itkilərimiz isə daha yüksəkdir. Su itkiləri faktiki olaraq 38,6 faizdir ki, bu, Avropa İttifaqında orta hesabla 22 faizdir. Bununla yanaşı, bizim itkilərimiz 46 faizə yaxındır. Çünki bununla yanaşı, bir də daxili istismarda olan sular var, onlar da itki olaraq nəzərə alınır. Avropada bu, 3 faiz olduğu halda, Azərbaycanda 9 faiz səviyyəsindədir”, – deyə ADSEA sədri əlavə edib.
#İlham Əliyev teqi istifadə olunub
- Aleksandar Vuçiç İlham Əliyevə zəng edib | Prezidentlər hansı məsələlərdən danışdı? - Baku TV
- Prezident İlham Əliyevin Türkiyəyə işgüzar səfəri ilə bağlı paylaşım edildi - Baku TV
- Pakistanın Baş naziri Şahbaz Şərif Prezident İlham Əliyevlə olan görüşündən paylaşım edib - Baku TV
- İlham Əliyev Rəcəb Tayyib Ərdoğanla görüşüb - Baku TV
- Prezident İlham Əliyev tədbirdə iştirak edib
