Pleyeri seçin:
Pezeşkianın oğlu "Traktor"un qələbəsini həzm etməyənlərə sərt cavab verdi
İran Prezidenti Məsud Pezeşkianın oğlu, Prezident Aparatının rəhbərinin müşaviri və media üzrə köməkçisi Yusif Pezeşkian "Traktor" komandasının azarkeşlərinə qarşı səsləndirilən pantürkist və separatçı iddialarına cavab verib.
O bu barədə özünün “X” hesabında paylaşım edib.
“Bu hadisələri həyəcan və enerjinin boşalması ilə əlaqələndirmək lazımdır, onları pantürkist və separatçı kimi dəyərləndirmək strateji səhvdir”, ‒ Yusif Pezeşkian yazıb.
Qeyd edək ki, “Traktor” komandasının çempionluğunun qətiləşməsindən sonra klub azarkeşləri Tehran, Təbriz, Qəzvin, Urmiya, Ərdəbil və başqa şəhərlərdə şənlik aksiyaları keçiriblər. Aksiyalar zamanı milli şüarlar səsləndirilib, bəzi yerlərdə Azərbaycan və Türkiyə bayraqları qaldırılıb. Bu, İranın bəzi media orqanlarında, xüsusən də sosial media platformalarında narazılıqla qarşılanıb, azərbaycanlı tərəfdarlar pantürkizm və separatçılıqda günahlandırılıb.
Kopyalandı
Seçilmişlər
